नीति, विधि, सिद्धान्तमा चल्ने राम्रो पार्टी
सधैँ लोकप्रिय हुन्छ अरुभन्दा साथी
इतिहासलाई साक्षी राखी तुलनामा हेरौँ
संकिर्ण केही सोच भए आजैबाट फेरौँ ।
आफ्नो गाउँ आफैँ बनाऔँ एमालेको नारा
आमा–बाबा आँशु पुछ्ने भयो सबको सहारा
थोरै भए पनि लिन्छन् भत्ता हातमा समाई
गौरव गर्न पाउनु भाछ भन्दै आफ्नो कमाई ।
लिपुलेक र लिम्पियाधुरा नेपालको भू–भाग
छिटै फिर्ता ल्याउनुपर्छ हामी सबको छ माग
कालापानी, नालापानी जमिन हाम्रै पुर्खादेखि
राखेका छन् नेपालीले इतिहासको पाना लेखी ।
बीर गोर्खाली बहादुर छन् जिस्क्याउने काम नहोस्
राम्रो काम गर्न सकौँ विश्वभरी राम्रो छाओस्,
जल, जमिन, जडिबुटी, जङ्गल साथै खनिज पनि
नेपालमै काम गर्न सके जे पनि छ नि !
नजानी हो भने युवा स्वदेशमा नै काम छ तनि
देश बनाउन चाहेदेखि युवाले नै सक्छन् अनि
अरु आई नेपालमा माटोलाई सुन बनाउँछन्
परिवारको साथमा बसी हाँसी खुशी रमाउँछन् ।
पौरख गरौँ गौरव गरौँ आफ्नै देशमा बसी
विदेशमा त के सुख छ काम गर्यो घुँडा धसी,
बनाउने हो आफ्नै देशमा काम गर्ने वातावरण
पर्नुहुन्न कहिले पनि कसैसँग हामीले शरण ।।
सर्जक सुबेदी नेकपा (एमाले) जिल्ला कमिटी कास्कीकी सचिवालय सदस्य हुन् ।
